جنان الفتوى

ماحدش يرفعلي حاجب 

ايوة جنان وجنان رسمي كمان

ماهو اللي بيحصل في دنيا الفتاوي مايتسماش غير كدة 

 ماهو لما شيخ جليل يفتيلك بارضاع الكبير ولا التاني اللي يفتي ان البوس بين الصبيان والبنات في الشارع مش حرام ولا ان الست لما تنام عريانة جنب جوزها حرام يبقى جنان رسمي

دي فتاوينا المصري 

نيجي بقى للفتاوي السعودي 

حدث ولا حرج 

مرة يقولك بيع الزهور حرام لأنه تشبه بالاجانب .. ومرة يقولك اليوجا حرام عشان دي تشبه بعبادة وثنية في الهند ومرة يقولك التصقيف حلال !! وتفليه الست للراجل حلال!!!

جنان رسمي 

ايه الجنان اللي وصلناله ده 

ويقولك علوم دين !!! 

ينهار الوان !!

صحيح ليهم حق اللي مش مسلمين يقولو ويعيدو فينا .. اننا سايبين اللي حوالينا وماسكين في الست بتفلي الراجل!!!

 اخر نكتة واللي موتتني من الضحك 

قال بيقولك ايه يا سيدي

فتوى من هيئة كبار العلماء بتحريم عمل المرأة في الاعمال المختلطة 

يالهوي يا خويا 

محرم !!!

هو مش التحريم ده له نصوص ولا انا بيتهيالي !!!!!

وبعدين لو هو محرم كانت المرأة بتطلع تجاهد مع الرسول ليه ؟؟ هو الرسول ماكنش عارف انه حرام !!!

وماتقليش زمن الرسول مش زي زمنا 

الحلال بين والحرام بين 

وبعدين الفتوى دي سعودي ولا اسلامي!! 

يعني لو اسلامي .. ماافتكرتوش تقولولنا انه حرام ليه

مش اللي اصله حرام يبقى ماله حرام !!!

يعني كل دول العالم داخلين النار والسعودية بس اللي داخلة الجنه !!!

اتقو الله في الفتاوي يا اهل العلم

ماشوفتوش أحمد الشقيري في خواطر 6 السنادي وهو في مساجد ماليزيا واندونسيا .. ايه الجمال ده الناس عاملين استقبال في المساجد والموظفات ستات وبنات .. فصول العلم صبيان وبنات 

اختلاط اهو وفي المسجد نفسه 

المسجد اللي بقت الناس تروحه عشان يعلمهم ويحببهم في الدين 

مش ينفرهم ويخليهم يجتمعو فيه بس عشان يوم الجمعه !!!

يارب اهديني للصح لو كنت غلط 

فمصيبتي لو واحد ولا اتنين عدو عليا واقتنعو بكلامي

واهديهم للصح لو كانو غلط

فمصيبتهم في امة مسلمة 

واغفر لنا ذنوبنا ياارحم الراحمين

nancy drew

من الحاجات اللي جيبالي عقده في حياتي 

الجيمز 

ايووون الجيمز بلا فخر 

واولهم سبيدر سوليتير وممكن العب في اليوم بتاع 30 مرة ولا حاجة ده في السريع كدة

وتاني لعبه هي نانسي 

لأ مش نانسي بتاعتنا .. دي نانسي درو 

محققة بتقعد تحل شوية قضايا 

ميزة اللعبه دي انها طلعت برا فكرة العاب العناصر المخفية او الهدين اوبجيكت زي مابتتقال

المشكلة الكبرى ان النت عندي زباله للاسف وبقالي فوق الاسبوع ونص بحمل اخر فايل فيهم وبيوقع :(

ربنا يسهل والنت يتعدل وانزلها والعبها 

اللعبه للي يحب يحملها هي اخر اصدارتها ونازلة الشهر اللي فات 

يعني لعبة طازة :D

Nancy Drew: Shadow at the Water's Edge (2010/ENG) | Size: 1.3 GB

Download:
FileServe.com Part 1
FileServe.com Part 2
FileServe.com Part 3
Mirror:
Uploading.com Part 1
Uploading.com Part 2
Uploading.com Part 3
Mirror:
http://depositfiles.com/files/b1nvlb3i7
http://depositfiles.com/files/12wy8dq3c
http://depositfiles.com/files/w2acubzcg
No Password...

كيف تخسرين زوجك فى عدة خطوات بسيطة

 

عزيزتى حواء : كيف تخسرين زوجك فى عدة خطوات بسيطة ؟؟؟؟!!

عزيزتى الجميلة حواء لو خلاص قريفتى من جوزك ومش عايزاه

لو مبقيتيش طايقة وجوده ف البيت لا تقلقى فعليك باتباع الخطوات البسيطة التالية لتطفيش اى راجل من اى حته

اول مايدخل عليكى من الباب مفيش غير :انت كنت فين او اتاخرت كده ليه او ايه ده انت مجبتش البيض والفينو !!!ومش عايزة أقولك لازم يبقى غضب الله نازل على وشك

.حاولى ماتسرحيش شعرك كتير ومفيش داعى للمكياج والبرفانات وشغل العالم الفرافيرى دى ،ماله الصابون ابو ريحه 

.امه بقى ،عايزاكى تبقى حطاها على دماغك وزاعقة واتلككى على اد ماتقدرى يعنى كل زيارة ليها تبقى راجعه بخناقة

 وبلاش بقى ياحبيبتى الهدوم الشفتشى والمشمشى والبيبى دول والمش عارفة ايه ،خليكى ف الجلالايب الكم ،انتى عايزاه يقول عليكى ايه ؟؟اتجوزتى وانحرفتى ؟؟خليكى باحترامك الكامل والضلمة ياما بتستر .

وطبعا ماتدلقيش عليه وياحبيبى وياكوكو وبودى بودى وكوتى كوتى والكلام الفاضى ده ،ايوه خليكى جد كده وياريت تبقى ضاربة بوز محترم بسبب ومن غير سبب 

.ولو عندك عيال ياريت تسيبيهم عليه كده على طول وبالذات وهو نايم ،ده الاطفال احباب الله وبالذات لما حد بيبقى نايم وياريت تلبسيهم احقر حاجة عندهم ولا انتى عايزاهم يتحسدوا؟؟؟

وماوصيكيش بقى على مصروف البيت ،عايزاكى تفرتكيه ف كله فى اقل من 48 ساعه او اقل المهم يعنى على حاجات هايفة انتى وشطارتك 

.اما بيتك ده فسيبك من خالص لما يبقى يجيلك مزاجك ابقى اعمليه

 وياسلام بقى لو ف زرار قميص واقع ،طنشى الموضوع خالص ولا كانك شايفه لازم يقولك عليه 115 مرة الاول بعدين تفكرى ف الموضوع

كل شوية تعايريه بفقر اهله يعنى مثلا : دى هبه بنت خالتى جوزها جابلها عربية فى عيد ميلادها،ياعينى عليا الا مادخلت عليا بعود بقدونس ف عيد ميلادى

.ومتنسيش وهو بياكل تفكريه بفاتورة الميه والكهربا والتليفون 

.كل ما يقولك لا على اى حاجة اقعدى زنى على دماغه لحد مايصدع وينهار ويوافق 

.كل ماتيجى تخرجى معاه البسى اقدم حاجة عندك ويبقى شكلك كده زى ماتكونى صاحية من النوم، بس لو خارجة لوحدك اتشيكى بقى والبسى اللى ع الحبل والحبل نفسه

  واخيرا عزيزتى حواء لو جوزك ماطفشى بعد كل ده يبقى حاجة من الاتنين ياما كفيف ياما هو متجوز عليكى من زمان

_____
ملطوووووووووش :D

على رأي المثل

"اللهم طولك ياروح" 

.. ماقلنا "العروسة للعريس والجري للمتاعيس"  

 ماهو اصل "اللي تحسبه موسى يطلع فرعون" ..

هو كدة "من برا هالله هالله ومن جوا يعلم الله"  

بس نقول ايه .. "نهيتك ماانتهيت والطبع فيك غالب . وديل الكلب ماينعدل ولو علقو فيه قالب "

..عشان "قليل الاصل لا تعاتبه ولا تلومو .. زي البقعه لا ينضف برابسو ولا بأومو"   

ف"اللي مايشفش من الغربال يبقى اعمى ".

و"اللي على راسه بطحة يحسس عليها" 

.. ف"ياللي بيتك من قزاز ماتحدفش الناس بالطوب"

بس مش حقول غير "العقل في التفكير والرب في التدبير" 

.. و"يابخت من بات مظلوم ولا بات ظالم"

 

إنه الحُب .. حين يكونُ الزمانُ شحيحًا

إنه القلب .. حين يكونُ الطموحُ فسيحًا

لأن يحتوي النهر والبحر

 

  إنه الموت .. حين يكونُ الخلاصُ الوحيد

  إنه العُرس .. حين نُزفُ إلى الأرض

 

  زغردي يا طيورَ السماء

  زغردي لا أريدُ البُكاء

  فإني قد اخترت .. اخترتُ حُريتي

 

 

طائري المسافر

طائري المسافر

اشتقت لإبتسامتك

اشتقت لضحكتك

اشتقت لوجدي بجوارك

***

يألمني فراقك

ويعذبني بعادك

و تداويني محادثاتك

***

تمر امامي سبعة اعوام تجمعنا

كنت لي خير صديق

صديق لم اتصور ان يمسي زوجي العزيز

وأصبح حرمه المصون

:)

***

انتظرك لتأتي لي

انتظرك لتسافر بي

فـبك تشرق حياتي من جديد

waka waka

 

شاكيرا مش من المغنين اللي بحبهم 

بس بصراحة عجبتني الاغنية اوي

رغم اني ولا فاهمة ولا كلمة 

بس عجبتني :D
_________________

تحديث 

 

تقريبا الموضوع مش شاكيرا 

ده انا طلعت بحب افريقيا 

ولا تقريبا بقيت بحب السمر 

يالهوي عليك يا صلاح عملتلي غسيل مخ رسمي :D

ربنا يرجعك بالسلامة :)

Help Palestine

We all as human beings condemn this, spread this, Israel is going to start their falsepretexts and justifications for killing innocent people.

they killedTurkish demonstrators who tried to help canceling the blockade of Gaza,all were attacked by Israeli soldiers, Muslims, and Christians,Parliament members, and medical and nourishment aids, about 20 peopledied, and more than 50 got killed by Israel soldiers.

The demonstrators were not terrorists, were only civilians, and you'll see guys whatthey'll do.

they'll falsify the facts, and(starting tomorrow) they'll hit themselves with missiles or rockets or blow something up, they'll fake anything to try to justify what they did.

It's the time you start seeing the truth, not as we know it, but as truth really is.

The unforgivable massacre,the truth about the real terrorists, who show the others as terrorists.They were carrying only aids, not weapons, but tomorrow, Israel willstart their falsified news and media shows and news reports that condemn Turkish demonstrators.

Just keep these things on your mind when you hear falsified newstomorrow, they will say false pretexts.

http://www.youtube.com/watch?v=yiRlYvua9

WQ

in this video Israeli soldiers are in a landing operation, and killed 20 demonstrators, injured 50, and aroused anger on board. How can they justify the landing operation in International Waters?

ندوات في الاسكندرية

للمهتمين بالعمارة

غدا الخميس 13/5/2010 محاضرة " العمارة والأرض " الساعة الثانية ظهرًا بقاعة الأوديتوريوم بمكتبة الإسكندرية

ويوم السبت 15/5/2010 "جائزة الأغاخان للعمارة " الساعه العاشرة صباحا للساعه 5 مساء بمركز المؤتمرات

للمهتمين بالتنمية البشريه

يوم الجمعه 14/5/2010 الساعه الثانية والنصف ظهرا بقاعه لافي بالداون تاون .. محاضرة " حدد هدفك " للاستاذ محمد طه .. برعاية جمعيه حدد هدفك .. صناع الحياه بالاسكندرية

أشوفكم هناك ان شاء الله

----------------------------------

تحديث : تم تغير مكان ندوة حدد هدفك الى قاعه "سي لا في " بدلا من " لا في " فوجب التنويه

تحويل الوحدات القياسية

عايز تحول من وحده لوحده

عايز تحول من لغة للغه 

 عايز تعرف التلفزيون ال 25 بوصة بتاعك كام في كام بالسم

عايز تشتري هدوم من على النت ومش عارف تحول المقاس لأنجليزي او امريكي

الموقع ده مفيد جدا 

حيفيدك في اي تحويل عايز تعمله 

 تحويل الوحدات 

اغدا القاك

بمناسبة العداد الجديد

Countup Clocks, Engagement Countups at WishAFriend.com

أحب أقولك ربنا يرجعك ليا بألف ألف سلامة

وبهديلك الاغنيه دي

ربنا يهدي المدير بتاعك

;)

أغداً ألقاك يا خوف فؤادي من غدٍ
يالشوقي وإحتراقي في إنتظار الموعد
آه كم أخشى غدي هذا وأرجوه إقترابا
كنت أستدنيه لكن هبته لما أهابا
وأهلت فرحة القرب به حين استجابا
هكذا أحتمل العمر نعيماً وعذابا
مهجة حرة وقلباً مسه الشوق فذابا
أغداً ألقاك


أنت يا جنة حبي واشتياقي وجنوني
أنت يا قبلة روحي وانطلاقي وشجوني
أغداً تشرق أضواؤك في ليل عيوني
آه من فرحة أحلامي ومن خوف ظنوني
كم أناديك وفي لحني حنين ودعاء
آه رجائي أنا كم عذبني طول الرجاء
أنا لو لا أنت لم أحفل بمن راح وجاء
أناأحيا لغد آن بأحلام اللقاء
فأت أو لا تأتي أو فإفعل بقلبي ما تشاء
أغداً ألقاك

هذه الدنيا كتاب أنت فيه الفكر
هذه الدنيا ليال أنت فيها العمر
هذه الدنيا عيون أنت فيها البصر
هذه الدنيا سماء أنت فيها القمر
فإرحم القلب الذي يصبو إليك
فغداً تملكه بين يديك
وغداً تأتلف الجنة أنهاراً وظلاّ
وغداً ننسى فلا نأسى على ماضٍ تولّى
وغداً نزهو فلا نعرف للغيب محلا
وغداً للحاضر الزاهر نحيا ليس إلا
قد يكون الغيب حلواً .. إنما الحاضر أحلى
أغداً ألقاك

هستيريا احمد زكي

نقلا عن مدونة للرغي فنون

OneNote .... (1)

برنامج

OneNote Microsoft Office

OneNote

عبارة عن نوتة موجودة على جهازك بتساعدك على ترتيب افكارك وحفظها وتذكيرك بيها

وبما اني بقالي شهر بحاول ارتب دماغي وبتلكك اني محتاجة نوتة اكتب فيها

( ده على اعتبار ان المكتب مافيهوش كمية ورق كتيرة وكمية اجندات فاضية واقلمة رصاص وجاف والوان كمان )

بس انا بتلكك اني عايزة حاجة بروفيشنال

وفجأة إفتكرته

قاعد مستنيني اكتب فيه واديله افكاري وهو حيساعدني انه يرتبها معايا

_ كل يوم بكتشف ان علاقتي بالورق بتقل :S :S _

حبتدي دلوقتي ادعبس فيه

وإن شاء الله حوافيكم بالمواقع والفيديوهات اللي ساعدتني في فهمه

اولا : عشان أقدر اساعد نفسي في الالتزام بترتيب دماغي وماقعدش اتلكك

ثانيا : من باب علم ينتفع به .. ويارب يكتبه في ميزان حسناتي

استودعكم الله على وعد بلقاء أخر اديكم فيه تجربتي مع

OneNote

;)

لنا لقاء

مبسوطة

الاغنية دي انا بحبها جدا
ولما بسمعها بحس اني راضية اوي
الحمد لله على كل شئ
اسيبكم معاها


لو جه فى بالنا نحلم بجنة
قوة إيماننا هى السلام
و الدين معاملة و رسالة كاملة
يعنى الحكاية مفهاش كلام

غنى و حب و صلى جماعة
لقلبك ساعة و ربك ساعة

و الدنيا حلوة و الله حلوة مش ضاحكة علينا و خداعة


متقلش خلصت و ذنوبى كترت
متعش فكرة جاى العذاب
صاحب الجلاله الله تعالى
مـ الإستحالة ينسى اللى تاب

ربنا مخلقناش نتألم
عادى بنغلط و بنتعلم

و الدنيا حلوة و الله حلوة اوعى تسيب نفسك و تسلم


لو حد خانا أو جرح طالنا
نفتح بيبانا منردهاش
جايز نجاحنا يكسر جروحنا
و نحب روحنا منظلمهاش

نملا حياتنا حب و فرحة
و نكتر أعمالنا الصالحة

و الدنيا حلوة و الله حلوة مش أيام بتعدى و رايحة


********************


اشوفكم على الف خير

The Arrivals

القادمون - The Arrivals

سلسلة تهتم بالمؤامرة الماسونية الدنيئة وكشف جزء كبير من الاعيبهم وكيفيه سيطرتهم على العالم

سلسة تستحق المشاهده

ربنا يرجعك بالسلامة

نسمات

عندما تشتد المواقف بالانسان لتضعه في اخر المطاف .. ليجد نفسه كاد ان يصاب بالانفجار .. يضطر ان يترك نفسه للهبوط الاضطراري من هذه الرحلة
تجاربنا في حياتنا هي من تعلمنا وتضع لنا حصيلتنا من الخبرات .. قد لا ننجح في امور ونتمنى ان نتفاداها في المحطة القادمة
يهمنا فقط ان نتعلم لنتفادى الحوادث
وقد اضافت لي التجربة الكثير والكثير .. اتحمل ضغوط العمل .. ولكني لا اتحمل الضغوط النفسية .. وما اصعبها ضغوط
الكراهية اقوى المشاعر السلبية .. دائما ما سمعتها .. ولكن التجربة كانت خير معلم.. ان تكره شخص .. ان تغير مجرى حياتك للحؤول دون الوجود معه في نفس المكان
انه لأمر صعب ... يعتبره الكثيرين هروب من المواجهة .. ولكني اعتبره عدم قدرة على تحمل مشاعر الكراهية
اكرهها .. ولا ارتاح في التواجد معها ..شخصية ذات طاقة سلبية فوق الحد المسموح به
ولكن تكفيني ما وضعته من رصيد في نفوس الناس
تكفيني مكالمتهم للإطمئنان علي .. يكفي سلام منهم وتدعيمهم لي .. صوتهم يفكرني بذكريات جميلة
ستظل صورة النخل يتراقص بالهواء مع صورة الماء و الطيور معلقة بالذكريات .. تذكرني بهم .. بضحكاتنا التي تعلو في ارجاء المكان .. بالنفوس الطيبة .. والكريهة ايضا
تمنيت .. وليس كل الاحلام تأتي بالتمني ... بل تأخذ الدنيا غلابا
لم اعتبر يوما عدم نجاحي فشلا .. بل تجربة جديدة استفيد منها ..ساتعلمها .. ساحاول ان اتعلم الدرس جيدا

تغيير

قليل من التغيير لا يضر
:)

حتى وان ماكنش حد بيعدي عليا :D:D