الاغنية دي انا بحبها جدا
ولما بسمعها بحس اني راضية اوي
الحمد لله على كل شئ
اسيبكم معاها
لو جه فى بالنا نحلم بجنة
قوة إيماننا هى السلام
و الدين معاملة و رسالة كاملة
يعنى الحكاية مفهاش كلام
غنى و حب و صلى جماعة
لقلبك ساعة و ربك ساعة
و الدنيا حلوة و الله حلوة مش ضاحكة علينا و خداعة
متقلش خلصت و ذنوبى كترت
متعش فكرة جاى العذاب
صاحب الجلاله الله تعالى
مـ الإستحالة ينسى اللى تاب
ربنا مخلقناش نتألم
عادى بنغلط و بنتعلم
و الدنيا حلوة و الله حلوة اوعى تسيب نفسك و تسلم
لو حد خانا أو جرح طالنا
نفتح بيبانا منردهاش
جايز نجاحنا يكسر جروحنا
و نحب روحنا منظلمهاش
نملا حياتنا حب و فرحة
و نكتر أعمالنا الصالحة
و الدنيا حلوة و الله حلوة مش أيام بتعدى و رايحة
********************
اشوفكم على الف خير
3 comments:
السلام عليكم ورحمة الله وبركاته
كلمات حلوة لكن اسمحي لي اختلف معك
" لقلبك ساعة و لربك ساعة "
"قل ان صلاتي ونسكي و محياي و مماتي لله رب العالمين "
و حديث ساعة وساعة
" فقال " يا حنظلة ! ساعة وساعة . ولو كانت ما تكون قلوبكم كما تكون عند الذكر ، لصافحتكم الملائكة ، حتى تسلم عليكم في الطرق " كان يخاطب الصحابة فيما يحل لهم من زينة الحياة
لكن مفهوم ساعة لقلبك لا يذكر الا في المحرمات يعني مثلا الشاب يكون بيشرب دخان و نقوله حرام يقول يا عم ساعة لقلبك وساعة لربك و غيرها من الامثلة
و الدنيا يجب ان تكون في ايدينا و لكن ليست في قلوبنا
لكنها للأسف باتت في قلوبنا و هربت من ايدينا
و لو اختلفت معي فاختلاف الرأي لا يفسد للود قضية
فعلا كلمات جميلة
Post a Comment