OneNote .... (1)

برنامج

OneNote Microsoft Office

OneNote

عبارة عن نوتة موجودة على جهازك بتساعدك على ترتيب افكارك وحفظها وتذكيرك بيها

وبما اني بقالي شهر بحاول ارتب دماغي وبتلكك اني محتاجة نوتة اكتب فيها

( ده على اعتبار ان المكتب مافيهوش كمية ورق كتيرة وكمية اجندات فاضية واقلمة رصاص وجاف والوان كمان )

بس انا بتلكك اني عايزة حاجة بروفيشنال

وفجأة إفتكرته

قاعد مستنيني اكتب فيه واديله افكاري وهو حيساعدني انه يرتبها معايا

_ كل يوم بكتشف ان علاقتي بالورق بتقل :S :S _

حبتدي دلوقتي ادعبس فيه

وإن شاء الله حوافيكم بالمواقع والفيديوهات اللي ساعدتني في فهمه

اولا : عشان أقدر اساعد نفسي في الالتزام بترتيب دماغي وماقعدش اتلكك

ثانيا : من باب علم ينتفع به .. ويارب يكتبه في ميزان حسناتي

استودعكم الله على وعد بلقاء أخر اديكم فيه تجربتي مع

OneNote

;)

لنا لقاء

مبسوطة

الاغنية دي انا بحبها جدا
ولما بسمعها بحس اني راضية اوي
الحمد لله على كل شئ
اسيبكم معاها


لو جه فى بالنا نحلم بجنة
قوة إيماننا هى السلام
و الدين معاملة و رسالة كاملة
يعنى الحكاية مفهاش كلام

غنى و حب و صلى جماعة
لقلبك ساعة و ربك ساعة

و الدنيا حلوة و الله حلوة مش ضاحكة علينا و خداعة


متقلش خلصت و ذنوبى كترت
متعش فكرة جاى العذاب
صاحب الجلاله الله تعالى
مـ الإستحالة ينسى اللى تاب

ربنا مخلقناش نتألم
عادى بنغلط و بنتعلم

و الدنيا حلوة و الله حلوة اوعى تسيب نفسك و تسلم


لو حد خانا أو جرح طالنا
نفتح بيبانا منردهاش
جايز نجاحنا يكسر جروحنا
و نحب روحنا منظلمهاش

نملا حياتنا حب و فرحة
و نكتر أعمالنا الصالحة

و الدنيا حلوة و الله حلوة مش أيام بتعدى و رايحة


********************


اشوفكم على الف خير

The Arrivals

القادمون - The Arrivals

سلسلة تهتم بالمؤامرة الماسونية الدنيئة وكشف جزء كبير من الاعيبهم وكيفيه سيطرتهم على العالم

سلسة تستحق المشاهده

ربنا يرجعك بالسلامة

نسمات

عندما تشتد المواقف بالانسان لتضعه في اخر المطاف .. ليجد نفسه كاد ان يصاب بالانفجار .. يضطر ان يترك نفسه للهبوط الاضطراري من هذه الرحلة
تجاربنا في حياتنا هي من تعلمنا وتضع لنا حصيلتنا من الخبرات .. قد لا ننجح في امور ونتمنى ان نتفاداها في المحطة القادمة
يهمنا فقط ان نتعلم لنتفادى الحوادث
وقد اضافت لي التجربة الكثير والكثير .. اتحمل ضغوط العمل .. ولكني لا اتحمل الضغوط النفسية .. وما اصعبها ضغوط
الكراهية اقوى المشاعر السلبية .. دائما ما سمعتها .. ولكن التجربة كانت خير معلم.. ان تكره شخص .. ان تغير مجرى حياتك للحؤول دون الوجود معه في نفس المكان
انه لأمر صعب ... يعتبره الكثيرين هروب من المواجهة .. ولكني اعتبره عدم قدرة على تحمل مشاعر الكراهية
اكرهها .. ولا ارتاح في التواجد معها ..شخصية ذات طاقة سلبية فوق الحد المسموح به
ولكن تكفيني ما وضعته من رصيد في نفوس الناس
تكفيني مكالمتهم للإطمئنان علي .. يكفي سلام منهم وتدعيمهم لي .. صوتهم يفكرني بذكريات جميلة
ستظل صورة النخل يتراقص بالهواء مع صورة الماء و الطيور معلقة بالذكريات .. تذكرني بهم .. بضحكاتنا التي تعلو في ارجاء المكان .. بالنفوس الطيبة .. والكريهة ايضا
تمنيت .. وليس كل الاحلام تأتي بالتمني ... بل تأخذ الدنيا غلابا
لم اعتبر يوما عدم نجاحي فشلا .. بل تجربة جديدة استفيد منها ..ساتعلمها .. ساحاول ان اتعلم الدرس جيدا

تغيير

قليل من التغيير لا يضر
:)

حتى وان ماكنش حد بيعدي عليا :D:D

كل سنة وانتم طيبين

وبمناسبة السنة الجديدة .. احب اقول لكل الناس كل سنة وانتم طيبين .. بس للاسف مش حعرف اضحك عليكم وااقولكم انها حتبقى احسن من اللي قبليها ... بمرور الايام بنكتشف ان اللي جاي منيل بنيله وربنا يستر علينا .. واحب ااقولكم...

* استمتعو بالاوقات الحلوة مع اهلكم و اصحابكم و حبايبكم ... ماحدش ضامن عمر حد ... ربنا يخليلكم كل الناس :)

*لو حد زعلان منك ويهمك امره صالحه .. ماتسيبش حد مضايق منك ... ( ولو حد زعلان مني في حاجة يسامحني ولو غيبا ... وربنا يردله الخير :D )

* امسك ورقة وقلم وقعد اكتب ايه النعم اللي ربنا اديهالك .. وابتدي بنفسك .. بعنيك وودنك وايدك ورجلك .. و عيش حياتك بقى .. حتكتشف انك وقفت كتابة وعيطت وقمت صليت ركعتين شكر لله على كل النعم الحلوة اللي اديهالنا ... فكر في الحلو وبطل تفكر في الوحش .. وماتقلش نعم ربنا مابتتعدش ... ونعم بالله بس الانسان نساي ولازم نفكر نفسنا ولو بالقليل :)

* لو حد مفارق حد .. افتكرله الخير وسامحه ... وربنا دايما مخبيلنا الخير ... بس احنا بنكتشف متأخر

* جدد نيتك في الخير .. وشوفو ناويين تعملو ايه السنادي جديد عليكم ... الخبرات مابتتعوضش يا جماعه ... وانصحكم تقرو كتير .. القراية كلها خبرات مكتسبة :)

* ربنا يكرمني ويكرمكم باللي تتمنوه يااااااااااااااارب

* ربنا يرجعلك ليا بالسلامة يارب ;) .... {لأ لأ ..دي تبعي انا :)))) }

* بتمنالكم حياه كلها خير وحب في الله .. يديم عليكم نعمته ... واشوف الابتسامة دايما في عنيكم
:)))