عندما يبدأ احد بالخروج من { حياتك }
شيئا فشيئا
فتأكد ان الله يخلق مساحه جديده
لشخص >> افضل << ليحل محله
فشكرا للذين خرجوا من حياتي__وشكرا لله اولا واخيراا وابدااااا
_______________________________________________
الكلمة دي صاحبتي كانت كاتباها على الفيس بوك
اد ايه جميلة ومعبرة وجواها ذكريات كتير
فعلا شكرا لكل من خرج من حياتي ليترك مساحة لشخص افضل منه
وبنفس المنطق
شكرا لخروجي من حياة اي شخص .. لأترك مساحة لشخص افضل مني الف مرة لدخول حياتهم
متمنية للجميع حياه افضل واطهر وانقى وبدون طاقات سلبية
7 comments:
حلوة قوى ياطمطوم
تسلمي يا هوندتي ... تحسيها معبرة جدا وجواها فعلا ذكريات كتير
بس انا قد لا أتفق مع الكلام ده
بصي يا طمطم
تعالي نربط بين عقل الانسان وهارد الكمبيوتر
عقل الانسان هارد مفتوح مهما نسى الشخص ومهما الحاجات اتمسحت ممكن نرجعها تاني زي هارد الكمبيوتر
بس الفرق ان سهل جدا اننا نرجع الحاجة لعقل الانسان لكن الهارد في حاجات ماينفعش ترجع تاني ولو رجعت مش بترجع بصورتها اللي كانت عليها
يعني الذكريات والماضي مش بينتهوا من عقل الانسان برحيل صاحبها مهما كانت حلوة او وحشة
اما بقى لو الانسان ناسها فده يبقى عنده استعداد انه يبيع اي حد علشان حد تاني
او بلاش نقولها كده
عنده استعداد لنسيان اي حاجة ومحوها من ذاكرته وطبعا ده مستحيل
ولو حبينا نقارن بين قلب الانسان وبرضه هارد الكمبيوتر
لو فرضنا ان عندي هارد بحتفظ فيه بذكرياتي واتملى على اخره
وعرفت ناس جديد وبقى ليا معاهم مواقف حا افضل واقف ومستني حد يخرج من حياتي علشان امسح مايخصه وادخل الجديد ؟؟؟
ولا اروح اشتري هارد واحافظ على وجود الانسان ده في حياتي ؟؟؟
اما قلب الانسان لا بيستنى خروج حد ولا دخول حد قلب الانسان من المفروض انه يسع لكل الناس ومافيش حد فينا مفيهوش عيوب بس طالما انا قبلت بمعرفته وعرفت عيوبه وعشت معاه بيها فترة من الزمن يبقى اكيد حا اتمسك بالشخص ده
واحاول ابص لنص الكوباية المليان
سوري اني طولت عليكي وسوري ان كلامي ملغبط شوية بس احيانا الانسان مش بيعرف يطلع اللي جواه بشكل منظم
نظرا لتعطل اكوانت الجوجل الخاص بي اقبلي توقيع مؤقتا
صلاح يوسف
لأ طبعا انت ماطولتش ولا حاجة .. وانا معاك في كلام كتير انت بتقوله وانا لا انكره
بس انا بتكلم على الفكرة اللي ممكن نصادفها في حياتنا .. وانا الحمد لله ناس كتير خرجت من حياتي .. وناس كتير دخلت حياتي .. مش معنى كدة ان اللي خرج كان وحش ولا ان اللي دخل كان حلو ... لأ انا اقصد ان اللي خرج حلو .. بس لشخص اخر غيري .. والشخص اللي دخل حياتي حلو .. ويمكن يكون الافضل لحياتي .. فاهم الفكرة اللي بتكلم فيها .. دي فكرة عامة .. مش المقصود بيها حبيب او صديق او حتى زميل .. فكرة عاما عن كل الاشخاص.. وانا مريت بتجارب كتير .. بتخليني لما احب ابص ببص على النص المليان فيها بالشكل ده .. يعني الموضوع مش سستمتك .. انت ممكن يخرج من حياتك شخص وتقابل شخص اسوأ منه .. بس بالتاكيد حتقابل شخص جيد ... فكرة مجردة من الاخر :D
فهمت قصدك بس مشكلتي اني بحاول اني ما اخليش حد يخرج من حياتي
انا لما حبيت وماحصلش نصيب
وخطبت وماحصلش نصيب برضه
في المرتين حافظت على الطرف التاني
معرفة الناس كنوز برضه
واهو الواحد بيتعلم من اخطاءه
بس ليا رأي
ماتخدهوش بمحمل وحش
انا لما صادفت ناس كانت بتخرج من حياة ناس وكانت بتخرج ناس من حياتها
اكتشفت ان الناس دي هي اللي وحشة مش اللي بيخرجوا من حياتهم
صلاح يوسف
اعجبتني فكرتها مع انه انا فكري راح لبعيد شوية ..
عموما سعيدة بمروري هنا وزيارتي للمدونة
تقبلي خالص تحيتي وتقديري.
شكرا لمرورك وجع البنفسج ... ياريت تشرفيني تاني :)
Post a Comment