متهيالي كنت المفروض من الاول وانا بعرفهم اعرف اني حسيبهم ..يوم ما دخلت المنتدى وبقيت واحده منهم وبقو جزء من حياتي..اتاثرت بمعرفتهم كتير و كتبت عنهم وانا معرفش اني حيجيلي يوم اصعب منه
ناس كتير لاقيتها بتختفي ومش بقت تظهر لكن فضل ناس لسة صحاب ولسة بكلمهم وربنا يعلم كانو اخوات اد ايه...لغاية لما تيجي فجاة وتلاقي حد بيقول خلاص كدة النهاية ومافيش كلام معاهم تاني !!!! الناس دي كنت ناوية اعزمها في فرحي مش بس اكلمها شات
الفكرة ان لسة في ناس مش مقتنعه ان النت ده بيعرف ناس ببعض بجد وان صحاب كتير ظهرو منهم..
طول عمري كان نفسي اعرف ليه بنبص للنص الكوباية الفاضي ومش بنبص للنص المليان؟
العشرة صعبة ..وعشرة سنتين مش هينه ...والدمعه مش خسارة فيكم...فراقكم صعب ..بس كان لابد منه..وعلى راي مشمشتي لأجل الورد ينسقي العليق .... بس ياترى حتفتكر اللي عملته ده ؟!!؟
فراق تاني كان لابد منه ...هما اليومين دول الناس كلها بتمشي من حواليا ليه مش عارفة :( ...دفعتي بتتخرج يا جدعان..زي مافرحانه ان الناس خلصت وحتمشي ..اد مازعلانة اني مش حشوفهم تاني ..ناس كتير لو قعدت اكتب اساميهم مش حيخلصو حفتكرهم وانا معدية جنب الكلية
صعبه اوي اني ادخل السكشن تاني من غيركم...دفعة رابعة 2008 ..بتمانلكم كل الخير
9 comments:
حاسة بكل اللى قلتيه وفاهمة معناه
عارفة يعنى ايه سنين تروح لمجرد ان فلان قال لاء
او من غير ما يقول
فكرة المنع والحبس فى بيت ازاز فاميه ممنوع عنك تتواصلى مع اللى برا او اللى برا يتواصلوا معاكى
المشكلة عندك الفكرة السيئة عن النت
للاسف مع احترامى اللى بيقول كدا بيقوله عن جهل وافكار قديمة وقلة خبرة بالنت اصلا يعنى اللى ميعرفش يقول عدس زى ما بيقولوا
بس انا كان ممكن اتقبل الوضع لو كان غيرة بشكل عام سواء جوا النت او براه
لكن كدا الموضوع مجرد ضيق افق و بلاش اكمل
وفى كل الاحوال انا عند كلمت
لاجل الورد ينسقىا لعليق
مهما كان العليق بقى
انا حاسس بكل كلمة انتي قلتيها
لاني في نفس الموقف بالضبط
بس اصعب منك 1000 مرة
لان مش صحابي بس اللي ماشيين لكن كمان حبي الوحيد
صحيح مش ممكن اشوفها تاني لكن مش حاقادر اقول اكتر من
دفعة قسم اجتماع كلية اداب 2008
كل زملائي ولاد او بنات
ربنا يوفقكم
عندك حق ف كل كلمة قلتيها
النت فعلا ممكن يطلع اصحاب نعرفهم لاخر العمر علشان الناس دي بتعرفنا على حقيقتنا مش بنحتاج نتجمل علشانهم لانهم يعرفوا عننا كل حاجة من غير ما يعرفوا عننا حاجة
على العموم هي دي الدنيا بس حاولي تحافظي على البقية من اصحابك وبالنسبة لزملاء الدراسة انا بطلت ادخل كليتنا من حوالي اكتر من سنتين علشان الاحساس اللي بتقولي عليه
بس انا كنت خلصت لحسن تقولي ايه الفشل ده
تحياتي
بصراحة لم أقرأ البوست جيدا لمني نظرت عليه عامة.. يبدو كلاما رائقا لي لذلك سأعود لقرائته حتما ومؤكد ذلك ولكني الآن في عجل فأحببت فقط دعوتك دعوة خاصة مع باقة فل وياسمين لزيارة مدونتي وترك لمساتك هناك فذلك يشرفني
أنتظر الزيارة والتعليق إن أهجبك شيئ هناك
تحيتي
مدونتي هنا
http://kanyatklam.blogspot.com/
السلام عليكم
والله أنا بتفق معاكي في موضوع إن النت ممكن يعرف ناس محترمة بجد ويكونوا أحسن من ناس موجودين بالفعل في الحياة العامة أو يمكن نكون لو شوفناهم في الحياة برضه كنا هنعرفهم لكن اختلفت وسيلة التعارف بس مش أكتر
مش معنى إن حد على النت بعد ثقة فيه طلع مش كويس أو فئة معينة يبقى نحكم على كل الناس دي إنهم مينفعوش يبقوا أصدقاء بجد
بتحصل في الحياة أكتر بكتير بنلاقي ناس نسيبهم يبقى برضه مش معناها إن كل الناس دي وحشة
بتختلف هي مش قاعدة
مع أطيب تمنياتي بالنجاح والتوفيق
تحياتي
قد أتفق وقد أختلف معكي أو مع الردود
يبدو لي من كلامك ان هناك شخص قد منعك من الكلام مع من تعرفتي عليهم فهذا الشخص قد يكون خائفا عليكي او يغار عليكي .
او لاي سبب اخر فالاسباب التي تدفع شخص لفعل ذلك كثيرة
قد يكون الخطأ منك .
ناقشيه واعرفي وجهة نظره .
وعليكي ان تعرفي ان اي شخص تتعرفي عليه سيأتي يوم وتفترقون سواء بارادتك أو بإرادته أو بإرادة شخص أخر ( كما حدث معكي) أو بإرداة المولى عز وجل
اتمنى لكي حياة سعيدة
لك كل تحياتي
حاسه بكل اللى قولتيه و فاهمة معناه جداااااا لانى فى نفس الموقف تماما
مش عارفه هما ليه فكرتهم كده عن النت مع انهم بيقعدوا نت بس هما بيقولوا خوف علينا و غيره.... الخ مع ان النت هو اكتر حاجه بتسلينا بس بيقولوا لجل الورد يتسقى العليق
ويمكن انا ازيد منك شويه مش كتير لانه فرحان جدااا ان دى اخر سنه و مش هنزل واشوف صحابى زى الاول
بصى هو الظاهر والله اعلم كلهم كده
صنف واحد زى ما بيقولوا
اتمنالك السعاده وتقبل الوضع لانه اكيد خوف عليكى ربنا يوفقك
ممكن يا طمطم لكن فى الخير والشر فى كل مكان اخوك ابراهيم
ومر عام تقريبا
تحياتي
Eric Matt
Post a Comment